Qaıtarylǵan aktıvterdiń arqasynda Almatynyń 2500-den astam turǵyny aýyzsýǵa qol jetkizdi
ASTANA. KAZINFORM – Almaty qalasy Túrksib aýdanynyń Qaırat shaǵynaýdanynda prokýratýra organdarymen memleketke qaıtarǵan qarajat esebinen sýmen jabdyqtaý jáne sý burý jelileriniń qurylysy aıaqtaldy.
Osylaısha, ortalyqtandyrylǵan ınjenerlik ınfraqurylymnyń bolmaýyna baılanysty kóp jyldan beri sheshimin tappaǵan másele óz sheshimin tapty: 21,6 km sý qubyry, 24,7 km káriz jelisi, 15,6 km avtomobıl joly tartylyp, 3 káriz sorǵy stantsııasy salyndy.
Jobany iske asyrý nátıjesinde 921 abonent ınjenerlik jelilerge qosylyp, 2500-den astam turǵyn ortalyqtandyrylǵan aýyz sý men sý burý júıesine turaqty qol jetkizdi.
Qazirgi ýaqytta atalǵan nysannyń ınjenerlik jelilerin «Almaty Sý» MKK-nyń teńgerimine berý rásimi júrgizilýde.
Aıta ketelik qaıtarylǵan aktıvter qarjysyna Arqalyq ýnıversıteti tolyq jańartyldy.
