Qaıtarylǵan aktıvterdiń 318,1 mlrd teńgesi áleýmettik jobalarǵa bólindi

ASTANA. KAZINFORM – Memleketke qaıtarylǵan aktıvter esebinen bıyl Arnaýly memlekettik qorǵa 434,3 mlrd teńge tústi. Bul týraly Qarjy mınıstri Mádı Tákıev Úkimet otyrysynda aıtyp berdi.

− Memleketke qaıtarylǵan aktıvter esebinen bıyl Arnaýly memlekettik qorǵa 434,3 mlrd teńge tústi. Bul somadan 318,1 mlrd teńge 406 áleýmettik mańyzy bar jobalar qarjylandyryldy, − M. Tákıev Úkimet otyrysynda.

Mınıstrliktiń naqtylaýynsha, jobalardyń basym bóligi sýmen jabdyqtaýǵa baılanysty – 230 joba, sondaı-aq densaýlyq saqtaý salasynda – 162, bilim salasynda – 10, sport salasynda – 4 joba qarjylandyrylǵan.

Aıta keteıik, qaıtarylǵan aktıvterdi ádil ári tıimdi paıdalaný jónindegi memlekettik saıasat aıasynda aýyldyq eldi mekenderde áleýmettik mańyzy bar jobalar júzege asyryla bastady.

Buǵan deıin Mádı Tákıev bıylǵy jartyjyldyqta memlekettik bıýdjettiń kiristeri shamamen 11 trln teńge nemese jospardyń 106,4%-yn quraǵanyn aıtqan edi.