Qaıtarylǵan aktıvterdi basqarý kompanııasy 14,9 mln teńgeniń áshekeıin aýktsıonǵa shyǵardy

ASTANA. KAZINFORM – «Qaıtarylǵan aktıvterdi basqarý kompanııasy» jaýapkershiligi shekteýli seriktestigi elektrondy aýktsıonǵa bastapqy jıyntyq quny 14,9 mln teńge bolatyn áshekeı buıymdaryn shyǵardy.

Aýktsıon 15 tamyz kúni saǵat 10.00-de bastalady.

Saýdaǵa qoıylǵan lottar:

• Áshekeı buıymdar (bıjýterııa) — 15 dana, bastapqy baǵasy — 139 100 teńge;

• Sývenırlik monetalar men qalamdar — 32 dana, bastapqy baǵasy — 8 640 728 teńge;

• Bylǵary beldik pen qarý túrleri — 26 dana, bastapqy baǵasy — 6 118 847 teńge.

— Aktıvterdiń jalpy bastapqy quny — 14 898 675 teńge. Aýktsıonǵa qatysý úshin E-Qazyna platformasynda tirkelip, kepildik jarnany engizý jáne ótinimdi belgilengen merzimde tapsyrý qajet, — delingen habarlandyrýda.

Buǵan deıin 2025 jyldyń basynan beri aýktsıondar arqyly 32 qaıtarylǵan aktıv satylǵanyn jazǵan edik.