Qaıtarylǵan aktıvter: Jambyl oblysynda 5 aýyz sý nysanynyń qurylysyna qarjy bólindi

TARAZ. KAZINFORM - Prokýratýra organdary jumysynyń nátıjesinde qaıtarylǵan aktıvter esebinen áleýmettik nysandardyń qurylysy júzege asyrylyp, jatyr dep habarlaıdy Jambyl oblystyq prokýratýrasynyń baspasóz qyzmeti.

Osy oraıda, Jambyl oblysy Shý aýdany Shý qalasynyń «Gorgaz» móltek aýdanynda aýyz sý qurylysyn bastaý sheńberinde ýaqyt kapsýlasyn salý rásimi ótti.

Іs-sharaǵa aýdan prokýrory jáne aýdan ákiminiń mindetin atqarýshy, aýyldyń aqsaqaldary men qurmetti turǵyndary qatysty.

Saltanatty rásim barysynda qatysýshylar jergilikti turǵyndardy qurylys jumystarynyń bastalýymen quttyqtap, bul elde júrgizilip jatqan aktıvterdi qaıtarý jumystarynyń naqty nátıjesin halyq óz kózimen kórýge múmkindik beretinine senim bildirdi.

Qaıtarylǵan kapıtaldy halyq ıgiligi úshin tıimdi paıdalaný aıasynda Shý aýdanyna 5 aýyz sý qurylysynyń nysanyna qarajat berildi.

- Búgingi tańda 3 aýyz sý qurylysynyń jumystary bastaldy, - delingen habarlamada.

Osyǵan deıin qaıtarylǵan aktıvter esebinen SQO-da 33 áleýmettik joba iske asyrylyp jatqany týraly jazdyq.