Qaıtarylǵan aktıvter: Jalpy quny 352 mln teńge turatyn qol saǵattary aýktsıonǵa qoıyldy

ASTANA. KAZINFORM – e-qazyna.kz onlaın-platformasynda aktıvterdi qaıtarý jumystary aıasynda tárkilengen qol saǵattary aýktsıondyq saýdaǵa qoıyldy.

«Qaıtarylǵan aktıvterdi basqarý kompanııasy» JShS málimetinshe, aýktsıonǵa jalpy bastapqy quny 352,3 mıllıon teńge bolatyn 25 qol saǵaty qoıylǵan. 

Aýktsıon bıyl 31 shildede baǵany kóterý formaty boıynsha ótedi.

Kompanııa ókilderiniń aıtýynsha, aýktsıonnyń maqsaty – qaıtarylǵan aktıvterdiń ashyq túrde satylýyn qamtamasyz etý jáne barlyq múddeli tarapqa qatysýǵa teń múmkindik berý.

Buǵan deıin aktıvter esebinen qaıtarylǵan zergerlik buıymdar qaıta satylymǵa qoıylatyny týraly habarlaǵan edik. 

Odan bólek, qaıtarylǵan aktıvter esebinen Almaty oblysy men Almaty qalasynda bes jer ýchaskesi satylymǵa qoıyldy.