Qaıtarylǵan aktıvter: Іri taý-ken aktıvi aýktsıonǵa shyǵarylady

ASTANA. KAZINFORM – «Qaıtarylǵan aktıvterdi basqarý kompanııasy kezekti aýktsıonda «Kundybai Mining» aktsııalarynyń 20% úlesi ashyq saýdaǵa shyǵarylatynyn habarlady.

Sauda.e-qazyna.kz elektrondy platformasynda ashyq formatta ótetin saýda-sattyq 2025 jylǵy 24 jeltoqsanǵa saǵat 10:00-ge josparlanǵan.

Lottyń bastapqy baǵasy 51 318 000 teńge dep belgilengen.

– Ashyq aýktsıon onlaın rejımde uıymdastyrylady, bul barlyq qatysýshylar úshin teń qoljetimdilik pen rásimniń tolyq ashyqtyǵyn qamtamasyz etedi. Saýda barysy men qorytyndy málimetter platformada jarııalanady, – dep jazylǵan kompanııa habarlamasynda.

Aýktsıonǵa qatysý úshin úmitkerler portalda tirkelip, kepildik jarnasyn engizip, ótinimdi belgilengen merzimde usynýy qajet.

Kompanııa aktıvterdi satý protsesi Qazaqstan Respýblıkasynyń qoldanystaǵy zańnamasyna jáne aktıvterdi basqarý qaǵıdalaryna tolyq sáıkestikte júzege asyrylatynyn atap ótti.

Aıta keteıik, SQO-da qaıtarylǵan aktıvter qarajatyna jańa sý qubyry tartyldy.