Qaıtarylǵan aktıvter: Qyzylordada darııa sýyn iship kelgen aýyldarǵa sý jetti
QYZYLORDA. KAZINFORM — Qyzylorda oblysynda Prezıdent tapsyrmasymen memleketke qaıtarylǵan aktıvter qarajaty esebinen densaýlyq saqtaý, bilim berý, sport jáne kommýnaldyq ınfraqurylymdy jańǵyrtý baǵytynda 14 áleýmettik joba iske asyrylyp jatyr. Sonyń 5-eýi Qazaly aýdanyna tıesili.
Aýdan ákimdiginiń baspasóz qyzmeti habarlaǵandaı, bıyl halyqty aýyzsýmen qamtamasyz etýge arnalǵan 4, sondaı-aq 1 medıtsınalyq nysannyń qurylysy bastalǵan bolatyn.
— Sarbulaq, Shıli, Sháken jáne Shıtúbek aýyldaryn aýyzsý jelisine qosýǵa respýblıkalyq, oblystyq bıýdjetten jáne qaıtarylǵan aktıvter qarajaty esebinen barlyǵy 1,5 mlrd teńge qarjy bólindi. Búginde qurylys jumysy tolyq aıaqtaldy, — delingen habarlamada.
Aıta keteıik, sý jetken Sarbulaq, Shıli, Sháken aýyldary aýdan ortalyǵynan tym shalǵaı ornalasqan. Bul eldi mekenderdiń turǵyndary buǵan deıin tirshilik nárin bulaqtan, al shıtúbektikter darııadan tasyp iship keldi.
Qaıtarylǵan aktıvter esebinen aýdandyq kópbeıindi ortalyq aýrýhana janynan 42 tósektik ınsýlt jáne kardıologııa ortalyǵy salynyp jatyr. Onyń qurylysyn jyl sońyna deıin aıaqtaý josparlanǵan. Sol kezde jergilikti turǵyndar úshin asa mańyzdy másele bolǵan MRT qurylǵysy ornatylady. Insýlt, júrek jáne qan-tamyr aýrýlary boıynsha naýqastar tekserilip, emdele alady.
Al búgin Aqtóbe oblysynyń Marjanbulaq aýylynda jańa dárigerlik ambýlatorııanyń qurylysy aıaqtaldy.