Qaıtarylǵan aktıvter esebinen Jetisý oblysynyń turǵyndary aýyzsýmen qamtamasyz etildi
ASTANA. KAZINFORM — Jetisý oblysynyń Umtyl aýylynyń turǵyndary qaıtarylǵan aktıvter esebinen aýyzsýmen qamtamasyz etildi. Bul týraly Jetisý oblysynyń prokýratýrasy habarlady.
Jetisý oblysy Qaratal aýdanynyń Umtyl aýylynda prokýratýra organdarynyń bastamasymen memleketke qaıtarylǵan qarajat esebinen salynǵan ortalyqtandyrylǵan aýyzsý júıesiniń ashylý rásimi ótti.
Saltanatty sharaǵa aýdan prokýrory men ákimi, jurtshylyq ókilderi, aýyl aqsaqaldary men qurmetti turǵyndar qatysty.
Jobany iske asyrý nátıjesinde aýdannyń 500 turǵyny ortalyqtandyrylǵan aýyzsýmen tolyq qamtamasyz etildi.
Atalǵan nysannyń paıdalanýǵa berilýi turǵyndardyń ómir súrý sapasyn edáýir arttyryp, tasymaldanatyn sýdy paıdalanýǵa degen qajettilikti joıdy.
Búginde Jetisý oblysynda densaýlyq saqtaý, bilim berý jáne kommýnaldyq sharýashylyq salalarynda 27 áleýmettik joba iske asyrylyp jatyr.
Atalǵan jobalardyń iske asyrylýy Jetisý oblysynyń prokýratýrasynyń baqylaýynda.
