Qaıtarylǵan aktıvter esebinen Qostanaı oblysyndaǵy aýylǵa aýyz sý tartylyp jatyr
QOSTANAI. KAZINFORM – Qostanaı oblysynyń Qarabalyq aýdanyna qarasty Mıhaılovka aýylynda qaıtarylǵan múlik esebinen turǵyndardy taza aýyz sýmen qamtý jobasy júzege asyrylyp jatyr.
Prokýratýranyń bastamasymen qaıtarylǵan qarajat 16 shaqyrymdyq sý qubyryn tartýǵa baǵyttalǵan. Qazirgi tańda aýylda aýyz sý taratý pýnkteri arqyly ǵana berilýde, bul turǵyndardyń qoljetimdiligin shekteıdi.
- Jańa sý qubyry iske qosylǵannan keıin 500-den astam aýyl turǵyny ortalyqtandyrylǵan sýmen qamtylady. Áleýmettik mańyzy bar nysandy 2025 jyldyń sońyna deıin paıdalanýǵa berý josparlanyp otyr, - delingen Bas prokýratýra taratqan aqparatta.
Qurylys jumystarynyń sapasy men merzimi merdigerdiń jaýapkershiligi aıasynda qatań baqylanýda. Joba barysy men qarjynyń tıimdi ıgerilýi Qostanaı oblysy prokýratýrasynyń tikeleı baqylaýynda.
Aıta keteıik, Shardara sý qoımasynda sý deńgeıiniń tómendeýinen qalada aýyz sý tapshylyǵy týyndady.