Qaıtarylǵan aktıvter esebinen 4 myńǵa jýyq qostanaılyq taza sýmen qamtylady
ASTANA. KAZINFORM — Qostanaı aýdanynda prokýratýra organdary memleketke qaıtarǵan aktıvter esebinen qarjylandyrylatyn aýqymdy sý qubyry jelileriniń qurylysy belsendi túrde jalǵasyp jatyr.
Halyqty taza sýmen qamtamasyz etýge baǵyttalǵan bul áleýmettik mańyzy bar joba iske asyrýdyń sońǵy satysynda tur.
Tobyl qalasynyń, sondaı-aq Zarechnoe jáne Lımannoe aýyldarynyń turǵyndary sapaly aýyz sýmen tolyq qamtamasyz etiledi.
Salynyp jatqan sý qubyry jelileriniń jalpy uzyndyǵy 157 km.
Jobany iske asyrý nátıjesinde aýdannyń 4000-ǵa jýyq turǵyny ortalyqtandyrylǵan sýmen qamtamasyz etiledi.
Qurylys-montajdaý jumystaryn aǵymdaǵy jyly aıaqtaý josparlanyp otyr.
Qostanaı oblysynda qaıtarylǵan aktıvter esebinen barlyǵy 25 áleýmettik nysan iske asyrylyp jatyr.
Onyń ishinde 19 joba halyqty ortalyqtandyrylǵan sýmen jabdyqtaýǵa turaqty jáne jaıly qoljetimdilikpen qamtamasyz etýge baǵyttalǵan.
Aıta ketelik Qostanaıda kún elektr stantsııasy iske qosylǵan edi.