Qaıtarylǵan aktıvter: Almaty oblysynda 10 jer ýchaskesi aýktsıonǵa qoıyldy

ASTANA. KAZINFORM – Almaty oblysynda 10 jer ýchaskesi satylymǵa shyǵaryldy. 

Qaıtarylǵan aktıvterdi basqarý kompanııasynyń málimetinshe, elektrondy jer aýktsıony E-Qazyna veb-platformasynda baǵany kóterý ádisi arqyly ótedi.

Aýktsıon 2025 jylǵy 13 tamyzda ótedi. Saýdaǵa Almaty oblysynda ornalasqan 10 jer ýchaskesi shyǵarylyp otyr. Lottyń jalpy bastapqy baǵasy — 1 575 778 934 teńge.

Aýktsıonǵa qatysý úshin:

— E-Qazyna platformasynda tirkelý qajet;

— Kepildik jarnany engizý kerek;

— Ótinimdi belgilengen merzimde berý qajet.

Saýda onlaın-formatta ótedi, bul oǵan álemniń kez kelgen núktesinen qatysýǵa múmkindik beredi.

— Qaıtarylǵan aktıvterdi basqarý kompanııasy barlyq protsestiń ashyqtyǵyn qamtamasyz etedi jáne obektiler týraly tolyq aqparatty, ıaǵnı obektiniń sıpattamasy men baǵalaý qunyn ashyq jarııalaıdy, — delingen habarlamada.

Aýktsıonǵa qatysý shartymen tolyǵyraq E-Qazyna platformasynda tanysýǵa bolady.

Aıta keteıik, keshe qaıtarylǵan aktıvter esebindegi Almaty qalasy men Almaty oblysy aýmaǵyndaǵy bes jer ýchaskesiniń satylymy ótti.