Qaıta oralǵan «Aıgúldiń» jańa án jınaǵy jaryqqa shyqty
ASTANA. QazAqparat - Jýyrda Qyzdar ýnıversıtetiniń 70 jyldyq mereıtoıyna tartý retinde bilim oshaǵynyń «Aıgúl» vokaldy-aspaptyq ansambliniń «Qazaqtyń arý qyzdary» atty án jınaǵy jaryq kórdi, dep habarlady atalǵan JOO baspasóz qyzmetinen.
QazMemQyzPÝ rektory D.J.Nóketaevanyń qoldaýymen shyqqan albomǵa ansambl repertýaryndaǵy qazaq kompozıtorlarynyń 9 áni kirgen. Onyń ishinde, «Qazaqtyń arý qyzdary» ( áni:A.Beksultan, sózi:I.Isa), «Úshqońyr» (áni:A.Qorazbaev, sózi:N.Nazarbaev), «Tek qana qyzdar» (áni: M.Baltabaev, sózi: T.Moldaǵalıev) syndy ánder bar. «Aıgúl» vokaldy-aspaptyq ansambli Qazaq memlekettik qyzdar pedagogıkalyq ınstıtýty janynan 1969 jyldyń 8-shi naýryzynda quryldy. Bul kúni ansambl Qazaqtyń Jambyl atyndaǵy fılarmonııasynda alǵash debıýttik kontsert qoıyp, el yqylasyna bólengen. Ataýly data «Aıgúl» ansambliniń dúnıege kelgen kúni retinde tirkeldi. «Aıgúl» ansambliniń esimi sol kezderi dúrkirep shyqqan «Dos-Muqasan», «Gúlder» ansamblimen qatar elge tanymal boldy. Bir kezderi aty dúrkirep shyqqan «Aıgúl» vokaldy-aspaptyq ansambliniń quramynda Aǵaısha Isaǵulova, Saqypjamal Uzaqbaeva, Galına Qaramoldaeva, Meńsulý Ysqaqova, Marfýǵa Júnisova, Gúlnar Begalıeva, Dına Erǵalıeva syndy ánshiler án salsa, qazirgi tańda olardyń izin Elnýr Nurǵojaeva, Ásem Qudaıbergenova, Aqtolqyn Esentaeva, Jadyra Qanapııanova, Dana Tájihanova, Jadyra Qýatova syndy jas ónerpaz ánshiler jalǵastyrýda. «Aıgúl» ansambliniń izbasarlary atanyp júrgen jańa tolqynnyń da jetken jetistikteri de az emes. Ansambl 2009 jyly «Altyn daýys» festıvaliniń, 2010 jyly Túrkııa eliniń Adana qalasynda ótken «Túrki álemi» festıvaliniń laýreaty atansa, 2011 jyly «Altyn mıkrafon» konkýrsynyń jáne «Nauryz jam» jastar festıvaliniń júldegerleri atandy», delingen habarlamada.
