Qaıta qurylǵan «Qazaqenergııasaraptama» mekemesiniń fýnktsııalary keńeıdi
ASTANA. 20 qańtar. QazAqparat - «Qazaqenergııasaraptama» mekemesi «Elektr energetıkasyn jáne energııa únemdeýdi damytý ınstıtýty» AQ bolyp qaıta quryldy.
Jańa ataýda elektr energetıkasy, kómir ónerkásibi, jańartylatyn energııa kózderin paıdalanýdy qoldaý, energııa únemdeý jáne energııa tıimdiligin arttyrý salalaryndaǵy Aktsıonerlik qoǵam qyzmetiniń negizgi baǵyttary belgilengen.
«Qazaqenergııasaraptama» AQ ataýy «Elektr energetıkasyn jáne energııa únemdeýdi damytý ınstıtýty» AQ (Qazaqenergııasaraptama) ataýyna ózgertildi. Mekemeni qaıta qurý «Indýstrııalyq-ınnovatsııalyq qyzmetti memlekettik qoldaý týraly» QR Zańynda kózdelgen ekonomıkanyń barlyq basqa salalaryn turaqty jáne ekologııalyq taza damytýǵa, halyqtyń ál-aýqatyn jaqsartýǵa jáne elimizdiń energetıkalyq qaýipsizdigin qamtamasyz etýge shaqyrylǵan ekonomıkanyń basym sektorlary bolyp tabylatyn elektr energetıkasy, kómir ónerkásibi, jańartylatyn energııa kózderi jáne energııa únemdeý salalarynda bekitilgen memlekettik saıasatty iske asyrý maqsatynda júrgizildi», - delinedi habarlamada.
Instıtýt joǵaryda atalǵan salalarda turaqty negizde júıeli zertteýlerdi júzege asyrý, úzdik halyqaralyq tájirıbege jáne energetıkadaǵy ozyq álemdik tehnologııalar transferine beıimdeýge kómektesý, sondaı-aq memlekettik organdarǵa, sondaı-aq zańdy jáne jeke tulǵalarǵa aqparattyq-taldaý jáne konsýltatsııalyq qyzmetterdi kórsetý úshin quryldy.
QR Indýstrııa jáne jańa tehnologııalar mınıstrliginiń Memlekettik energetıkalyq qadaǵalaý jáne baqylaý komıtetine tıesili «Qazaqenergııasaraptama» AQ memlekettik aktsııalar paketin ıelený jáne paıdalaný quqyǵy zańmen belgilengen tártipte Qazaqstan Respýblıkasy Indýstrııa jáne jańa tehnologııalar mınıstrligine aýysady.
