Qaıta qurýdan egemendikke deıin: Temirtaýda «Ózgerister ýaqyty» kórmesi ashyldy
QARAǴANDY. QazAqparat – Temirtaý qalalyq tarıhı-ólketaný murajaıynda Qazaqstan Respýblıkasy Táýelsizdiginiń 30 jyldyǵyna arnalǵan «Ózgerister ýaqyty» atty kórme ashyldy.
Ekspozıtsııa 1985 jyldan 1991 jylǵa deıingi kezeńdi, sondaı-aq odan keıingi oqıǵalar - QR Prezıdentiniń alǵashqy demokratııalyq saılaýy men jas respýblıkanyń qalyptasýynyń alǵashqy qadamdaryn ashady.
KSRO-daǵy qaıta qurý kezeńine tán kóptegen qujattar men eksponattar usynylǵan. Atap aıtqanda, kórmege kelýshiler samogon apparatyn, jaýynger-ınternatsıonalıstiń bertsy, tapshy taýarlar sómkesin jáne azyq-túlik talondaryn kóredi.
Ekspozıtsııanyń jeke bólimi 1990 jylǵy 24 sáýirde Qazaq KSR Prezıdenti laýazymy qurylǵan sátten bastap 1991 jylǵy 1 jeltoqsanda Qazaqstanda alǵashqy demokratııalyq saılaý ótkizilgenge deıingi tarıhı oqıǵalardy qujattyq qaıta jańǵyrtady. Munda Nursultan Nazarbaevtyń saılaýaldy baǵdarlamasynyń túpnusqalarymen jáne Qaraǵandy metallýrgııa kombınatynyń úgit paraqshalarymen tanysýǵa bolady.
Ekspozıtsııanyń erekshe nysany saılaý ótkizýge arnalǵan stend boldy. Interaktıvti aımaq jas kelýshilerge – bolashaq saılaýshylarǵa saılaý qaǵıdalarymen tanysýǵa múmkindik beredi.
Kórme 29 jeltoqsanǵa deıin jalǵasady.
Ekspozıtsııa úlken bilim júktemesine ıe ekenin eskergen jón. Munda siz joǵary synyp oqýshylary men stýdentterge tarıh sabaqtaryn ótkizýge bolady.
Anyqtama telefony: (8-7213) 93-19-05.
