Qaıta qurylǵan «Ertis» komandasy Shymkentte oqý-jattyǵý jıynyn ótkizip jatyr

PAVLODAR. KAZINFORM - Sergeı ıAkýshınniń shákirtteri búginge deıin úsh joldastyq kezdesý ótkizip, sonyń ekeýinde jeńiske jetti. Sońǵy oıynda oraldyq «Aqjaıyqtan» basym tústi.  

Pavlodarnews.kz portalynyń habarlaýynsha, «Aqjaıyqtyń» qaqpasyna jaýapsyz jalǵyz dop soǵyldy. Goldyń avtory – Rýslan Esimov.

Pavlodarlyq komanda sapynda jasyl alańǵa Polıtık, Nyrkov, Krıýkov, Vomenko, Popov, Asaıynov, Iskakov, Abdýalıev, Baıjanov jáne Esimov shyqty. Bul fýtbolshylar - komandanyń negizgi quramdaǵy oıynshylary.

«Aqjaıyq» ótken maýsymda Premer-lıgada óner kórsetkenin eskersek, bul jeńis «Ertis» úshin mańyzdy sanaldy.

Buǵan deıin Ertis oqý-jattyǵý jıyny barysynda «Túrkistanmen» kezdesip, 0:0 esebimen teń tústi. Al, «Ordabasy M» komandasyn 2:0 esebimen jeńdi. 

Shymkent qalasyndaǵy oqý-jattyǵý jıyny 29 aqpanǵa deıin jalǵasady.

Eske sala keteıik, Pavlodarlyq «Ertis» fýtbol klýby jańa maýsymda Ekinshi lıgada oınaıtyn boldy.