Qaıta qalpyna keltirilgen 900-den astam arheologııalyq jádiger Ulttyq mýzeıge tapsyrylady
ASTANA. QazAqparat - Qaıta qalpyna keltirilgen 900-den astam arheologııalyq jádiger Ulttyq mýzeıge tapsyrylady. Bul týraly búgin QR Mádenıet jáne sport mınıstrligi Mádenıet jáne óner isteri departamentiniń dırektory Aqtoty Raıymqulova málim etti.
«Shyǵys Qazaqstan oblysy aýmaǵynda ornalasqan qorǵandardan tabylǵan 968 arheologııalyq jádiger mýzeıge ótkizýge daıyndaldy. Mýzeıge ótkiziletin barlyq jádigerdiń saqtaý sharttary boıynsha usynystary berilgen restavratsııalyq pasporty bar», - dedi ol.
Aıta keterligi, QR arheologtary men restavratorlary, «Qazqaıtajańǵyrtý» RMK men «Ostrov Krym» ǵylymı qaıta qalpyna keltirý zerthanasynyń ǵalymdary restavratsııa jasaǵan barlyq jádigerler «Ótken kúngi beınelerdiń búgingi kórinisi» atty jobanyń bir bóligi sanalady.
Jobany tanystyrý búgin 15:00-de QR Ulttyq mýzeıinde ótetin bolady.
