Qaıta daıarlaýdan ótken muǵalimderdiń eńbekaqysy edáýir kóteriledi - B. Jumaǵulov
TANA. 25 tamyz. QazAqparat /Jasulan Amanbaıuly/ - Álemdik tájirıbege saı ázirlengen jańa baǵdarlamalar boıynsha arnaıy úsh aılyq qaıta daıarlaýdan ótken muǵalimderdiń jalaqysyna edáýir qosymsha aqy qosylady.
Bul týraly búgin Astanada «Otbasy, mektep, qoǵam - ıgilikti bolashaq úshin birge!» respýblıkalyq pedagogıkalyq forým barysynda QR Bilim jáne ǵylym mınıstri Baqytjan Jumaǵulov málim etti.
Mınıstrdiń aıtýynsha, mundaı qaıta daıarlaýdan bes jyl ishinde 120 myń muǵalim, ıaǵnı elimizdegi muǵalimder korpýsynyń teń jartysyna jýyǵy ótedi. «Osyǵan arnap jańa qurylym - Nazarbaev Zııatkerlik mektepteriniń janynan Pedagogıkalyq sheberlik ortalyǵy jáne Pedagogterdiń biliktiligin arttyrýdyń ulttyq ortalyǵy qurylýda», - dedi mınıstr.
Oqý nátıjeleri boıynsha olar jańa biliktilik deńgeıi týraly sertıfıkattar alady. ıAǵnı birinshi, ekinshi jáne úshinshi deńgeı.
Osy deńgeılerge sáıkes muǵalimder jalaqysyna edáýir qosymsha aqy tólenip, eńbekaqy kólemi taǵy da kóteriledi.
