«Qaısardyń» qaqpashysy rekord jańartty
QYZYLORDA. QazAqparat - Qyzylordanyń «Qaısar» komandasy syrt alańda Pavlodardyń «Ertis» klýbyn 1:0 esebimen tize búktirdi. Bul qyzylordalyq ftbolshylardyń bes týrdan keıin qol jetkizip otyrǵan jeńisi, dep habarlaıdy QazAqparat tilshisi.
Atalmysh oıynda komanda kapıtany Dýman Nárzildaev 90-mınýtta jeńis dobyn soqty. Sondaı-aq, «Qaısardyń» qaqpashysy Marsel Islamqulov rekordyn jańarta tústi. Ol 7 oıyn boıy óz qaqpasyn goldan aman saqtap keledi. Ol shamamen 720 mınýtqa jýyqtaıdy.
Qyzylordalyqtar sońǵy ret 9 mamyrda óz alańynda Qaraǵandynyń «Shahterin» 3:0 esebimen jeńgen edi. Sodan beri olar 5 oıyn ótkizip, onyń tórteýinde 0:0 esebimen teń oınap, bireýinde «Astana» komandasynan 0:2 esebimen jeńilis tapty.
Bul jeńis Qyzylorda komandasynan aýadaı qajet edi. Bıyl «Qaısar» aldyna úzdik bestikti bolý mindetin qoıǵan bolatyn. Degenmen ázirge sońǵy oryndarda keledi.
Kelesi týrda «Qaısar» óz alańynda Almatynyń «Qaırat» komandasyn qabyldaıdy. Bul oıyn 1 shilde kúni ótedi.
