Qaısar Jumabaıuly QR IDM-nyń resmı ókili atandy
ASTANA. QazAqparat - Qaısar Jumabaıuly QR IDM resmı ókili atandy. Bul týraly Investıtsııalar jáne damý mınıstri Áset Isekeshev Feısbýktegi paraqshasynda málim etti.
«IDM elimizdegi ashyq memorgannyń birine aınalýyn qalaımyz. Qazir mınıstrlik ózgerýde, barlyq ruqsat qujattary elektrondy nusqaǵa aýystyrylýda, HQO-larda ınvestorlarǵa qyzmet kórsetý boıynsha bólimder ashtyq. Qoǵamdyq keńes jumysyn bastady. Qoǵamǵa mańyzdy sheshimderimizdiń barlyǵyn túsindirýge tyrysamyz.
Búgin bir jańalyqty jarııa etkim keledi - mınıstrligimizde resmı ókil bolady. Ol - BAQ salasynda, sondaı-aq PR salasynda tájirıbesi mol adam, baspasóz hatshysy Qaısar Jumabaıuly boldy. Ol IDM qyzmeti týraly habarlap, udaıy brıfıng jáne baspasóz máslıhattaryn ótkizetin bolady. Qaısar júktelgen mindetterdi atqaratynyna senimdimin. Sonymen birge, QR IDM basshylyǵy, ózim de jýrnalıster men qoǵam úshin budan ári qaraı da ashyq bolamyz», - dep jazdy áleýmettik jelidegi paraqshasynda A.Isekeshev.
Mınıstr jazbasyna qaldyrǵan pikirinde Qaısar Jumabaıuly «Rahmet. Artqan senimdi aqtaýǵa bar kúsh jigerimdi salamyn», dep jazdy.
Eske sala ketsek, Qaısar Jumabaıuly 2009 jyldan bastap QR Investıtsııalar jáne damý mınıstriniń baspasóz hatshysy qyzmetin atqaryp keledi.
