Qaısar Jumabaı Prezıdent Ákimshiliginiń kommýnıkatsııalar bólimi meńgerýshisiniń orynbasary boldy

ASTANA. KAZINFORM – QR Prezıdenti Ákimshiliginiń Kommýnıkatsııalar bólimi meńgerýshisiniń orynbasary qyzmetine Qaısar Jumabaıuly taǵaıyndaldy.

Qaısar Jumabaıulynyń mass-medıa salasynda mol tájirıbesi bar. 

QR Prezıdenti Ákimshiliginiń taldaý jáne boljamdaý ortalyǵy meńgerýshisiniń orynbasary bolǵan.

Qaısar Jumabaıulynyń BAQ jáne PR salasynda tájirıbesi bar. Ár jyldary Almatydaǵy qalalyq «Stolıchnoe obozrenıe» gazetinde, «Shahar» teleradıo kesheninde, «Qazaqstan» RTRK, «Habar» agenttiginde, TSC-group ınvestıtsııalyq-ónerkásiptik korporatsııasynyń qoǵammen baılanys departamentinde jumys istedi.

Keıin sol kezdegi Indýstrııa mınıstrliginiń baspasóz hatshysy bolyp qyzmet atqardy. Astana ákiminiń keńesshisi boldy, elorda ákimdigine qarasty «Elorda Aqparat» medıa-resýrsyn basqardy.

QR Prezıdenti Ákimshiliginiń taldaý jáne boljamdaý ortalyǵy meńgerýshisiniń orynbasary, QR Tuńǵysh Prezıdenti Qorynyń strategııalyq kommýnıkatsııalar ortalyǵynda Perspektıvalyq zertteýler ortalyǵynyń basshysy bolyp jumys istedi.

Jańa qyzmetke taǵaıyndalǵanǵa deıin QR Prezıdentiniń Іs basqarýshysynyń keńesshisi, QR PІB bas ınspektory-baspasóz hatshysy qyzmetin atqaryp keldi.

Osyǵan deıin Shyǵys Qazaqstan oblysy ákimi apparatynyń basshysy laýazymyna Erlan Tekeshov taǵaıyndalǵany týralyd jazdyq.