«Qaısar», «Jetisý» men «Oqjetpes» eki týrda upaı joǵaltqan joq
NUR-SULTAN. QazAqparat - Búgin fýtboldan birinshi lıga komandalary arasyndaǵy el birinshiliginiń ekinshi týry máresine jetti, dep habarlaıdy QazAqparat tilshisi.
Bıyl birinshi lıgada barlyǵy 14 komanda premer-lıgaǵa beriletin eki joldamaǵa talasady. Mamandar oǵan «Qaısar» (Qyzylorda), «Jetisý» (Taldyqorǵan) jáne «Oqjetpes» (Kókshetaý) komandalaryn basty úmitker retinde sanaıdy.
Alǵashqy eki týrda atalǵan úsh komanda upaı joǵaltqan joq.
Ekinshi týrda «Qaısar» syrt alańda Túrkistannyń «ıAssy» komandasyn 2:1, «Oqjetpes» elordalyq «Jeńisti» 3:0 esebimen súrindirdi.
Al, «Jetisý» óz alańynda «Astana-2» komandasynan 1:0 esebimen basym tústi.
Ekinshi týrdaǵy ózge oıyn nátıjeleri tómendegishe:
«Ekibastuz» (Pavlodar oblysy) - «Taraz-Qarataý» (Jambyl oblysy) 0:0
«Baıqońyr» (Qyzylorda) - «Qyran» (Shymkent) 0:1
«Igilik» (Jambyl oblysy) - «Qaırat-2» (Almaty) 1:7
«Ońtústik akademııasy» (Shymkent) - «Shahter-Bolat» (Qaraǵandy) 4:1
Endi úshinshi týr oıyndary 30 sáýir kúni ótkiziledi.
Eske salsaq, budan buryn premer-lıga komandalary arasyndaǵy el birinshiliginiń jetinshi týry ótti.
