Qaısar Jańahanov «Lıter» gazetiniń dırektory - bas redaktory bolyp taǵaıyndaldy
ASTANA. 24 mamyr. QazAqparat - «Nur Medıa» JShS-niń bas dırektory Erlan Baıjanov «Lıter» gazetiniń ujymyna jańa taǵaıyndalǵan dırektory - bas redaktory Qaısar Jańahanovty tanystyryp ótti.
Q.Jańahanov 1972 jyldyń 19 shildesinde dúnıege kelgen. 1997 jyly Abaı atyndaǵy Almaty memlekettik ýnıversıtetin «saıasattaný» mamandyǵy boıynsha támamdaǵan.
2001-2004 jyldary - QR Mádenıet, aqparat jáne qoǵamdyq kelisim mınıstrligindegi BAQ departamentiniń jetekshi mamany, bas mamany, elektrondyq baspasóz bóliminiń bastyǵy qyzmetterin atqarǵan.
2004-2004 jyly - QR Prezıdenti Ákimshiliginiń jurtshylyqpen jáne baspasózben baılanys boıynsha bólim sektorynyń bas sarapshysy, meńgerýshisi bolyp jumys istegen.
2004-2006 jyldary - QR Mádenıet, aqparat jáne sport mınıstrliginiń Aqparat jáne arhıvter komıteti tóraǵasynyń orynbasary, tóraǵasy qyzmetterin atqarǵan.
2006-2006 jyldary - QR Prezıdenti Ákimshiliginiń áleýmettik-saıası bólimi meńgerýshisiniń orynbasary boldy.
2006-2007 jyldary - «KazEnergy» munaı jáne energetıka kesheni uıymdarynyń qazaqstandyq qaýymdastyǵy» zańdy tulǵalas birlestiginiń atqarýshy dırektory bolyp jumys istegen.
2007-2007 jyldary ««Samuryq» aktıvterdi basqarý boıynsha qazaqstandyq holdıngi» AQ-nyń adamı qorlardy damytý boıynsha departamenti dırektorynyń orynbasary qyzmetinde bolǵan.
2007-2008 jyldary - «Raýan Medıa Grýpp» AQ-nyń aqparattyq-saraptamalyq ortalyǵy dırektorynyń orynbasary, dırektory qyzmetterin atqardy.
2008 jylǵy qarasha aıynan bastap - «Arna Medıa» Ulttyq aqparattyq holdıngi» AQ basqarmasy tóraǵasynyń orynbasary boldy. 2009-2011 jyldary - «Nur-Medıa» JShS-niń bas dırektory. 2011 jyldyń jeltoqsanynan bastap «Astana» telearnasynyń bas dırektory qyzmetin atqardy. Sońǵy ýaqytta QR Parlament Májilisiniń baspasóz qyzmetine jetekshilik etken.
