Qaısar Jańahanov 141 mln teńge aıyppul tóleıdi
Vedomstvo málimetinshe, búgin Astana qalasy, Baıqońyr aýdandyq №2 sotynyń úkimimen Qaısar Jańahanov aldyn ala ymyralasqan toppen birneshe márte para alý qylmysyna kináli dep tanylǵan.
Soǵan oraı oǵan sońǵy jaza retinde 141 663 610 teńge aıyppul taǵaıyndaldy. Sonymen qatar ol ómir boıy memlekettik qyzmette, sotta, jergilikti ózin-ózi basqarý organdarynda, QR Ulttyq bankinde jáne onyń vedomstvolarynda, memlekettik uıymdarda jáne jarǵylyq kapıtalynda 50 paıyzdan astam memleket úlesi bar uıymdarda, onyń ishinde basqarýshy holdıngterde, ulttyq holdıngterde, ulttyq kompanııalarda, aktsıoneri memleket bolyp eseptelinetin ulttyq damý ıtstıtýttarynda, olardyń enshiles uıymdarynda qyzmet atqara almaıdy.
Dál osy úkimmen Arman Sadýaqasov ta aldyn ala ymyralasqan toppen birneshe márte para alýǵa deldal bolý qylmysyna kináli dep tanyldy. Ol 57 250 000 teńge aıyppul tóleıdi. Munan bólek, oǵan da Q.Jańahanov sııaqty memlekettik qyzmetterdi atqarýǵa tyıym salynady.
«Qylmystyq Kodekstiń 49 baby, 2 tarmaǵyna sáıkes Qazaqstan Respýblıkasynyń Prezıdentine Q.Jańahanovty «Qurmet» ordeni, A.Sadýaqasovty «Qazaqstan Respýblıkasynyń qurmet gramotasy» memlekettik nagradalarynan aıyrý týraly usynys engizildi. Úkim zańdy kúshine engen joq», - delingen taratylǵan aqparatta.
Foto: assembly.kz