«Qaısar» Túrkııaǵa oqý-jattyǵý jıynyna attanady
Bul jóninde komandanyń baspasóz qyzmeti málim etti. Oqý-jattyǵý jıyny Túrkııanyń Antalııa qalasynda ótkiziledi. Qyzylordalyq klýb 3-23 qańtar aralyǵynda Antalııada eki joldastyq kezdesý ótkizýdi josparlap otyr. Ázirge qarsylastar anyqtalýda.
«Qaısar» komandasy ázirge ketken jáne jańa oıynshylar jóninde eshqandaı málimet bergen joq. Degenmen aqparat kózderinde Djon Djoshýa, Tıgran Barsegıan syndy fýtbolshylar ózge klýbtarǵa aýysatyny jóninde habarlady. Al qorǵaýshy Aleksandr Marochkın endi Qostanaıdyń «Tobyl» komandasynyń namysyn qorǵaıtyny belgili bolyp otyr.
2019 jyly «Qaısar» Qazaqstan kýbogyna qol jetkizdi. Nátıjesinde bıyl tusaýkeser oıynyn Eýropa lıgasy ekinshi kezeńinen bastaıdy. Sondyqtan aldaǵy maýsymǵa daıyndyqty tıaınaqty júrgizýdi kózdep otyr.