«Qaısar» Túrkııada reseılik komandamen kezdesedi
QYZYLORDA. QazAqparat - Qyzylordalyq «Qaısar» komandasy Túrkııada ekinshi oqý-jattyǵý jıynyn bastady. Onda Reseıdiń «Krylıa Sovetov» komandasymen kezdesetin boldy, dep habarlaıdy QazAqparat tilshisi.
Atalmysh oqý-jattyǵý jıynynda komanda oıynshylardyń áleýetin baıqaıtyn bolady. Aıta keterligi, alǵashqy oqý-jattyǵý jıynynda «Qaısar» basshylyǵy birqatar sheteldik, qazaqstandyq jáne jergilikti fýtbolshylarmen kelisim-shartqa otyrdy.
Ekinshi oqý-jattyǵý jıynyna qaqpashylar - Aleksandr Grıgorenko, Marsel Islamqulov, Nurymjan Salaıdın, qorǵaýshylar - Ivan Sadovnıchıı, Abdel Azız Lamanj, Ivan Graf, Aleksandr Marochkın, Valentın Chýreev, Іlııas Ámirseıitov, Marın Orshýlıch, Oljas Altaev qatysady. Sondaı-aq, jartylaı qorǵanysta Marat Haırýllın, Mark Gýrman, Djon Arnold Djoshýa, Dýman Nárzildaev, Ashat Taǵybergen, Maqsat Baıjanov, Bekzat Kurmanbekuly, Tıgran Barsegıan, shabýylda Órken Mahan, Bratıslav Pýnoshevats, Igor Zenkovıch, Kýle Mbombo Rıchard, Shoqan Abzalov oıyn kórsetedi.
Atalmysh oqý-jattyǵý jıynynda «Qaısar» kóptegen joldastyq kezdesý ótkizedi dep josparlanyp otyr.Olardyń qatarynda Reseıdiń Premer-lıgasynda oınaıtyn «Krylıa Sovetov» (Samara) komandasy da bar. Sondaı-aq, qyzylordalyq ujym Reseıdiń «Nıjnıı Novgorod», «Baltıka», Ýkraınanyń «Desna», Bolgarııanyń «Tsarsko Selo», Grýzııanyń «Vıt», «Sabýrtalo», Túrkimenstannyń «Altyn Asyr» komandalarymen sheberlik baıqasady. Komanda 22 aqpanǵa deıin Túrkııada jańa maýsymǵa ázirligin júrgizedi.
Budan buryn «Qaısar» aldaǵy maýsymdy jańarǵan stadıonda ótkizetinin habarlaǵan edik.
