Qaısar Tólegen gir sportynan álem chempıony atandy

QYZYLORDA. KAZINFORM – 14-18 qarasha kúnderi Latvııanyń Rıga qalasynda ótken álem chempıonatynda gir kóterý sportynan óner kórsetken Qaısar Tólegen el mereıin asqaqtatty.

Qaısar Tólegen gir sportynan álem chempıony atandy
Foto: Qyzylorda oblystyq dene shynyqtyrý jáne sport basqarmasy

- Jarysta 30 memlekettiń 500-den astam ókili baq synady. Qaısar Tólegen kásipqoı jastar arasynda 78 keli salmaq dárejesinde І oryn ıelenip, álem chempıony atandy. Sportshynyń bul jeńisi – jyldar boıǵy tabandy eńbegi men úzdiksiz daıyndyqtyń jemisi, - dep málimdedi Qyzylorda oblystyq dene shynyqtyrý jáne sport basqarmasy.

Ol gir kóterýmen 7-synyptan bastap aınalysady. Alǵashqy qadamyn sport klýbynda bastaǵan jas sportshy úlken jetistikterge qol jetkizip úlgerdi. 2021-2025 jyldary Qorqyt ata atyndaǵy Qyzylorda ýnıversıtetinde bilim alǵan. Qazirgi kúni oblys ortalyǵyndaǵy oqýshylar úıinde úıirme jetekshisi ári oqytýshy-jattyqtyrýshy qyzmetin atqaryp júr. Álemdik dodaǵa Abdýlhasan Seıtenov daıyndady.

Al keshe Astana qalasynda aýyr atletıkadan áıelder arasynda 2 salmaqtyń jeńimpazy belgili boldy.