«Qaısar» reseılik komandadan jeńilip qaldy
QYZYLORDA. QazAqparat - Qyzylordanyń «Qaısary» Túrkııadaǵy oqý-jattyǵý jıyny barysynda Reseıdiń «Krylıa Sovetov» (Samara) komandasymen kezdesti, dep habarlaıdy QazAqparat tilshisi.
«Krylıa Sovetov» 1942 jyly 12 sáýirde qurylǵan. 2004 jyly Reseı birinshiliginde qola júldeger atanǵan. Uzaq jyldan beri sol eldiń Premer-lıgasynda synǵa túsip keledi. Samaralyq klýb reseılik tájirıbeli klýbtyǵ biri sanalady.
Atalmysh kezdesýde alǵashqy kezeńde «Qaısar» sapynda Marsel Islamqulov, Abdel Azız Lamanj, Marochkın, Ivan Graf, Іlııas Ámirseıitov, Dýman Nárzildaev, Marat Haırýllın, Maqsat Baıjanov, Djon Djoshýa, Tıgran Barsegıan, Bratıslav Pýnoshevats shyqty.
Alǵashqy kezeńde reseılik komanda basymdyǵy ańǵarylyp turdy. Bizdiń oıynshylar tarapynan óreskel qatelikter oryn aldy. Sonyń saldarynan 13-mınýtta Maksım Kanýnnıkov gol soqsa, arada bir mınýt ótkende Djano Ananıdze esepti ústemeleı tústi. Budan keıin «Qaısar» ftbolshylary gol soǵýǵa umtylǵan edi. Degenmen óz qaqpasyna taǵy da gol jiberip aldy. Ony 37-mınýtta Anton Chıcherın soqty.
«Qaısar» ekinshi kezeńde Aleksandr Grıgorenko, Marın Orshýlıch, Ivan Sadovnıchıı, Valentın Chýreev, Oljas Altaev, Bekzat Kurmanbekuly, Marký Gýrman, Ashat Taǵybergen, Igor Zenkovıch, Kallos Olıveıra, Kýle Mvombo shyqty.
Ekinshi kezeńde de «Krylıa Sovetov» komandasynyń basymdyǵy ańǵarylyp turdy. Reseılik klýb oıynshylary shabýylǵa kóbirek kóńil bóldi. Degenmen bul kezeńde eki komnda da gol soǵa alǵan joq. Oıynda «Krylıa Sovetov» 3:0 esebimen jeńiske jetti.
«Qaısar» budan buryn Ýkraınanyń «Desna» komandasynan jeńilip qalǵan edi.
«Qaısar» endi Túrkııada ótip jatqan ekinshi oqý-jattyǵý jıyny barysynda tórt oıyn ótkizedi. Aldymen 15 aqpanda Bolgarııanyń «Tsarsko Selo» jáne Grýzııanyń «Vıt» komandalarymen sheberlik baıqasady. Sondaı-aq, 18 aqpanda Grýzııanyń «Sabýrtalo», 21 aqpanda Túrikmenstannyń «Altyn Asyr» komandalarymen sheberlik baıqasady. Qyzylordalyq fýtbolshylar 22 aqpanǵa deıin Túrkııada jańa maýsymǵa daıyndyq júrgizedi.
