«Qaısar» quramyn kongolyq fýtbolshy tolyqtyrdy
QYZYLORDA. QazAqparat - Qyzylordanyń «Qaısar» fýtbol komandasy bir jańa oıynshymen tolyqty. Bıyl «Qaısardyń» quramynda kongolyq Kýle Mbombo dop tebetin boldy, dep habarlaıdy QazAqparat tilshisi.
1995 jyldyń 10 mamyrynda dúnıege kelgen Kýle Mbombo Afrıkanyń Kongo elinde dúnıege kelgen. Sol eldiń azamattyǵyn alǵan. Sońǵy jyldarda Belgııada ómir súrgen. Fýtboldaǵy alǵashqy kásibı mansabyn 2015 jyly Belgııanyń pro-lıgasynda oıyn kórsetetin «Anderleht» komandasynda bastaǵan. 2017 jyly Slovenııanyń «Trenchın» komandasynda dop tepti. Byltyr qaıtadan Belgııaǵa oralyp, fýtboldan sol el birinshiliginiń ekinshi dıvızıonyndaǵy «Bershot Vılreık» klýbynyń namysyn qorǵady.
Búgingi tańda «Qaısar» komandasy Túrkııa elinde aldaǵy fýtbol maýsymyna daıyndyǵyn ótkizip jatyr. Oqý-jattyǵy jıynynyn alǵashqy kúnderi klýb basshylyǵy jartylaı qorǵaýshy Marat Haırýllın, qorǵaýshy Ivan Sadovnıchıı kelisim shartqa otyrdy. Sondaı-aq, byltyrǵy jyly oıyn kórsetken 15 fýtbolshymen kelisim-shart merzimin uzartty. Odan keıin komanda quramyna horvatııalyq qorǵaýshy Marın Orshýlıch qosyldy. Arýba quramasynyń jartylaı qorǵaýshysy Djon Djoshýa bıyl «Qaısar» quramyn tolyqtyrdy.
Qazir «Qaısardyń» quramynda horvatııalyq qorǵaýshylar Ivan Graf pen Marın Orshýlıch, kamerýndyq qorǵaýshy Abdel Azız Lamanj, serb shabýylshysy Bratıslav Pýnoshevats, arýbalyq jartylaı qorǵaýshy Djon Djoshýa bar.
«Qaısar» 22 qańtarda Túrkııanyń Antalııa qalasynda ótip jatqan oqý-jattyǵý jıyny barysynda Ýkraınanyń «Olımpık» komandasymen kezdesedi. Odan keıin 24 qańtarda Ázerbaıjannyń «Sabaıl» komandasymen sheberlik baıqasady.
