«Qaısar» komandasyna taǵy bir shabýylshy keldi
QYZYLORDA. QazAqparat -Qyzylordanyń «Qaısar» komandasyna jańa shabýylshy keldi. Qazaqstandyq jankúıerlerge esimi jaqsy tanys Igor Zenkovıch endi qyzylordalyq klýbtyń namysyn qorǵaıtyn bolady, dep habarlaıdy QazAqparat tilshisi.
Bıyl 30 jasqa tolǵan forvard Belarýstiń Mınsk qalasynyń «Olımpık» komandasynyń túlegi. Sol elde Borısovtyń BATE, Mınskiniń «Darıda» jáne «Dınamo», Mogılevtiń «Dnepr», Túrkııanyń «Elıazygspor» klýbtarynda oıyn kórsetti.
Qazaqstanda «Aqjaıyq», «Shahter», «Aqtóbe», «Tobyl», «Taraz» jáne «Atyraý» komandalarynyń jeıdesin kıdi. Byltyr «Aqtóbe» komandasynyń sapynda 30 oıynda 9 gol soqty. Ústimizdegi jyly «Atyraý» sapynda 15 oıynda 2 goldyń avtory atandy. Qazaqstan Premer-lıgasynda barlyǵy 147 oıynǵa qatysyp, qarsylastar qaqpasyna 49 gol soqty. Igor Zenkovıchtiń qazaqstandyq azamattyǵy da bar.
«Bıyl «Qaısar» táp-táýir oıyn órnegin kórsetip keledi. Sondyqtan aldymyzǵa úlken maqsattar qoıamyz. Sol maqsatqa jetýge kúsh salamyz», - dedi Igor Zenkovıch.
«Qaısarǵa» budan buryn Petropavldyń «Qyzyljar» komandasynan serbııalyq shabýylshy Bratıslav Pýnoshevats kelgen edi.
Al komandadan martınıkalyq shabýylshy Ioann Arkın ketti.
«Qaısar» Premer-lıga komandalary arasyndaǵy el birinshiliginde týrnır kestesinde 21 upaımen 8-orynda keledi. Qyzylordalyq klýb 28 shildede óz alańyndaǵy 20-týrda Petropavldyń «Qyzyljar» komandasyn qabyldaıdy.
