«Qaısar» klýbynyń sporttyq dırektory Ábil Qalymbetov ómirden ozdy
QYZYLORDA. 29 qańtar. QazAqparat -Qazaqstannyń dańqty fýtbolshylarynyń biri, Qyzylordanyń «Qaısar» komandasy sapynda 20 jyl ýaqyt óner kórsetken, klýbtyń qazirgi sporttyq dırektory, jattyqtyrýshy jáne belgili qoǵam qaıratkeri Ábil Qalymbetov 64-ke qaraǵan shaǵynda ómirden ozdy.
Á. Qalymbetov fýtbolǵa shyn berilgen naǵyz qaıratker edi. Fýtbol alańynan oıynshy retinde jasy qyryqqa jaqyndaǵansha ketpegen ol barlyq fýtbolshylyq mansabyn bir ǵana komandaǵa - Qyzylordanyń «Qaısaryna» arnady. Budan bólek, taǵy 13 jyl osy jasaqtyń jattyqtyrýshy bolyp qyzmet atqardy. Kúlli sanaly ǵumyryn fýtbolǵa arnaǵan Ábil Arynulyn sondyqtan da alańdaǵy áriptesteri oıynshy kezinde-aq «Polkovnık» dep ataýshy edi. Bul laqap atty ol jas fýtbolshylardy alańda saýatty da tártippen oınaýǵa úıretken qasıeti úshin alyp edi. Onyń dańqy sol jyldary Qazaqstan ǵana emes, Keńes Odaǵynyń túkpir-túkpirine de estilgen bolatyn. Endi sondaı abzal adam aramyzda joq.
Ol bar bolǵany 3-4 aı ǵana aýyrdy.
Qyzylorda jurtshylyǵy Ábil Qalymbetovti erteń aqyrǵy saparǵa shyǵaryp salady.
