«Qaısar» klýbynda 25 fýtbolshydan koronavırýs tabyldy
NUR-SULTAN. QazAqparat – «Qaısar» fýtbol klýbynyń bas jattyqtyrýshysy Stoıcho Mladenovtyń aıtýynsha, klýb oıynshylary arasynda koronavırýs juqtyrý oqıǵasy tirkelgen, dep habarlaıdy QazAqparat Sports.kz-ke silteme jasap.
«Qaısardyń» 10 oıynshysynyń tapsyrǵan taldaýy koronavırýs bar ekenin anyqtady. Eger «Baıqońyr» jastar komandasyndaǵy ınfektsııaǵa shaldyqqandardy qossaq, jalpy syrqattanǵandar sany 25-ke jetedi. Men jáne meniń bapkerler shtabymnyń ókilderi, sonymen qatar Bolgarııadan kelgen Aleksandar Kolevtiń vırýsqa tapsyrǵan taldaýy teris nátıje kórsetti», - dep atap ótti Mladenov.
Sonymen qatar, bas jattyqtyrýshy «Qaısardyń» 1 shildege josparlanǵan oıyny óter-ótpesin bilmeıdi.
«Jattyǵýdy toqtattyq, sheshimdi kútip otyrmyz», dedi ol.
Aıta ketsek, 1 shildede «Qaısar» Qazaqstan chempıonatynda «Tarazǵa» qarsy oınaýy kerek bolatyn.
