«Qaısar» klýbyna jańa dırektor taǵaıyndaldy
QYZYLORDA. QazAqparat - Qyzylorda oblysynyń dene shynyqtyrý jáne sport basqarmasynyń basshysy, oblystyq fýtbol federatsııasynyń prezıdenti Sadyq Mustafaevtyń buıryǵymen Edýard Borısovıch Glazýnov «Qaısar» FK dırektory bolyp taǵaıyndaldy. Bul týraly QazAqparat HAA tilshisi oblystyq dene shynyqtyrý jáne sport basqarmasyna silteme jasap habarlady.
Edýard Glazýnov Almaty qalasyndaǵy Qazaqtyń dene tárbıeleý mádenıeti ınstıtýtyn, Máskeýdegi Dene shynyqtyrý, sport jáne týrızm memlekettik ýnıversıtetin «Dene shynyqtyrý, sport jáne fýtbol» mamandyqtary boıynsha bitirgen.
Birneshe fýtbol klýbtarynda aǵa jáne bas jattyqtyrýshy, «Qaırat» FK sport jónindegi dırektordyń orynbasary,«Arman» FK sport jónindegi dırektory, «Qaısar» FK dırektory qyzmetterin atqardy.
