«Qaısar» klýby bapker men fýtbolshynyń arasyndaǵy janjalǵa túsinik berdi
NUR-SULTAN. QazAqparat – «Qaısar» fýtbol klýby bas bapker men fýtbolshynyń arasyndaǵy daý-damaıǵa baılanysty resmı málimdeme jasady, dep habarlaıdy QazAqparat tilshisi.
Buǵan deıin áleýmettik jelilerde «Qaısar» klýbynyń bas bapkeri Stoıchko Mladenov pen fýtbolshynyń arasynda daý-damaıdyń bolǵany tarady. Bul jaıt «Kaspıı» jáne «Qaısar» komandalarynyń arasyndaǵy oıynnan soń, kıim aýystyratyn bólmede oryn alǵan. Kýágerler aıtqandaı, bas bapker fýtbolshyǵa memlekettik tilde sóıleýge tyıym salǵan.
Búgin «Qaısar» fýtbol klýbynyń resmı saıty atalǵan jaıtqa qatysty málimdeme jasap, naqty sebebin jarııalady.
«Qaı̆sar» men «Kaspıı̆» kezdesýinen keı̆in kıim aýystyratyn bólmede bapker men oı̆ynshy arasyndaǵy túsinispeýshilik jaǵdaı̆ oryn aldy. Bul jaǵdaı̆ matchtan keı̆ingi emotsııadan týyndaǵany belgili boldy. Jeńis pen jeńilis qatar júretin sportta mundaı̆ sátter jıi kezdesedi. Qazir bapker men oı̆ynshy arasyndaǵy qarym-qatynas retke keldi. Bapkerler qosyny men fýtbolshylar aldaǵy «Tobylmen» ótetin oı̆ynǵa daı̆yndyǵyn pysyqtaýǵa kóshti» delingen saıttaǵy habarlamada.
