«Qaısar» qatarynan eki márte iri eseppen jeńiske jetti
QYZYLORDA. QazAqparat - Fýtboldan Premer-lıga komandalary arasyndaǵy el birinshiliginde synǵa túsip júrgen «Qaısar» sońǵy eki týrda jergilikti jankúıerdi qýantarlyq nátıjege qol jetkizdi. Eki oıynda olar qarsylastar qaqpasyna alty dop soqty. Olar alǵashqy alty týrda nebári 2 dop engizgen edi, dep habarlaıdy QazAqparat tilshisi.
Búgin qyzylordalyqtar óz alańynda Qaraǵandynyń «Shahter» komandasyn oısyrata jeńdi. Esep 3:0. Kenshiler ótken týrda «Astanadan» basym túsip, kóshbasshysyny súrindirgen edi. Sondyqtan Qaraǵandy ujymy bıylǵy birinshilikte úzdikter qatarynan kórinýge úmitker komandanyń biri sanalyp otyr.
«Qaısar» sapynan atalmysh kezdesýde Matıas Kýror, Frank Dje Dje men Abdel Azız Lamanj mergendik tanytty. Oǵan qaraǵandylyqtar jaýap qaıyra alǵan joq.
Osy týrdan keıin «Qaısar» jetinshi orynǵa kóterilse, «Shahter» besinshi orynǵa turaqtap tur. Endi «Qaısar» 13 mamyrda Petropavlda «Qyzyljarmen» kezdesse, «Shahter» óz alańynda Pavlodardyń «Ertisin» qabyldaıdy.
Sondaı-aq, 23 mamyrda eki komanda Qazaqstan kýbogy oıyndarynyń 1/4 fınaldyq satysynda kezdesedi. Bul oıyn 23 mamyrda Qaraǵandy qalasynda ótedi.
Ádiljan Úmbet
