«Qaısar» Grýzııa komandasyna ese jiberdi
QYZYLORDA. QazAqparat - Qyzylordanyń «Qaısary» Túrkııada grýzııalyq VIT-«Djordjııa» komandasymen kezdesti, dep habarlaıdy QazAqparat tilshisi.
VIT-«Djordjııa» komandasynyń tarıhy 1968 jyldan bastalady. Otyz jylǵa jýyq «Morkınalı» ataýymen synǵa tústi. 1997 jyldan beri qazirgi ataýymen óz eliniń birinshiliginde baq synap keledi.
Búgingi kezdesý óte tartysty ótti deýge negiz bar. Barlyǵy bes gol soǵyldy. Alǵashqy goldy grýzın fýtbolshylary ózderiniń enshisine jazdy. Bul - oıynnyń 12-mınýty bolatyn. Al 31-mınýtta «Qaısar» tarazy basyn teńestirdi. Sol ýaqytta sol qanattan buryshtama doby berilgen edi. Áýelete berilgen dopqa bárinen bıik sekirgen shabýylshy Shoqan Abzalov jetti. Ol dopty baspen uryp, qaqpa toryn búlk etkizdi. Esep - 1:1.
Degenmen, arada jeti mınýt ótkende «Qaısardyń» búgingi qarsylasy taǵy da alǵa shyqty. Birinshi kezeń aıaqtalar sátte tarazy basy teńesti. «Qaısardyń» armenııalyq jartylaı qorǵaýshysy Tıgran Barsegıan mergendik tanytty. Al 62-mınýtta VIT-«Djordjııa» komandasy taǵy bir gol soǵyp ketti.
«Qaısar» búgingi ekinshi kezdesýde de jeńildi. Esterińizge sala ketelik, búgin túske deıin qyzylordalyq klýb Bolgarııanyń «Tsarsko Selo» komandasyna ese jibergen edi. Odan buryn Ýkraınanyń «Desna» jáne Reseıdiń «Krylıa Sovetov» komandalarynan jeńilip qalǵan edi.
«Qaısar» endi 18 aqpanda Grýzııanyń «Sabýrtalo», 21 aqpanda Túrikmenstannyń «Altyn Asyr» komandalarymen sheberlik baıqasady. Qyzylordalyq fýtbolshylar 22 aqpanǵa deıin Túrkııada jańa maýsymǵa daıyndyq júrgizedi.
