«Qaısar» gandbol komandasy 12 márte chempıon atandy

QYZYLORDA. QazAqparat - Qyzylorda qalasynda gandboldan áıelder arasynda el birinshiligi máresine jetti. Qyzylordanyń «Qaısar» komandasy 12 márte chempıon atandy, dep habarlaıdy QazAqparat tilshisi.

El birinshiliginde júldeli oryndardy sarapqa salýǵa tórt komanda múmkindik aldy.

Jartylaı fınalda qyzylordalyq «Qaısar» Óskemenniń «Altaıyn», «Shymkent» klýby elordalyq «Astanany» jeńip, bas júlde úshin talasqa tústi.

Fınalda qyzylordalyq jáne shymkenttik sportshylar eki oıyn ótkizdi. Alǵashqysynda «Qaısar» 44:33 esebimen basym tússe, ekinshisinde 34:25 esebimen tize búktirdi.

Nátıjesinde qyzylordalyq klýb el birinshiliginiń 12 dúrkin chempıony atandy.

Atalǵan komanda sapynda Veronıka Hardına, Natalıa Polýıanko, Arýjan Ámıt, Janerke Seıitqasym, Nazym Sabyrjanqyzy, Tatıana Davydova, Ksenııa jáne Marııa Pýpchenkovalar jaqsy oıynymen kózge tústi.

Eske salsaq, Balalar jyly aıasynda Qyzylordada 80 sport jáne oıyn alańy ashylǵan.

Foto: Oblystyq mádenıet jáne sport basqarmasy