«Qaısar» fýtbol klýbynyń bas bapkeri aýysa ma
QYZYLORDA. KAZINFORM — Qyzylorda oblystyq «Qaısar» fýtbol klýbynyń baspasóz qyzmeti klýbtyń bas bapkerligine úmitkerler týraly aqparatqa baılanysty resmı málimdeme jasady.
Onda respýblıkalyq sport portaldarynda bas bapkerge qatysty taraǵan aqparattyń shyndyqqa janaspaıtyny aıtylǵan.
— «Qaısar» fýtbol klýby qazirgi tańda eshbir bapkermen kelissóz júrgizip jatqan joq. Klýbtyń resmı aqparat kózderine senýdi suraımyz, — delingen habarlamada.
Eske salaıyq, 2025 jyldyń qarashasynan bastap jergilikti fýtbol klýbyn qazaqstandyq Andreı Ferapontov jattyqtyryp keledi. Degenmen, «Qaısardyń» qarqynyna kóńili tolmaǵan jankúıerler odan ornyn bosatýdy talap etip otyr.
