«Qaısar» fýtbol klýby aldaǵy maýsymdaǵy jańa quramyn tanystyrdy
QYZYLORDA. KAZINFORM - Qyzylorda qalasynda jergilikti «Qaısar» fýtbol klýbynyń jańa maýsymdaǵy quramyn tanystyrý rásimi ótti. Bıyl komanda quramynda 25 fýtbolshy oınasa, olardyń 11-i jańadan kelgen.
Jańadan kelgen fýtbolshylar sapynda el quramasyna úmitker Dýman Nárzildaev, Aıbar Jaqsylyqov, Toqtar Jańǵylyshbaı bar.
Saltanatty is-shara barysynda oblys ákiminiń birinshi orynbasary Danııar Janalınov jankúıerlerge aımaq basshysynyń quttyqtaýyn jetkizip, fýtbolshylarǵa jeıde tabystaý rásimine qatysty. Jıynda bas bapker Vıktor Kýmykov jańa maýsymda jankúıerlerdi barynsha qýantýǵa kúsh salatynyn jetkizdi.
«Komanda quramyndaǵy fýtbolshylarmen birge árdaıym jeńiske umtylamyz. Joǵary jaýapkershilikti sezinemin», - dedi bas bapker.
Kezekti el birinshiligine qyzylordalyq klýb tyńǵylyqty daıyndaldy. Túrkııada úsh oqý-jattyǵý jıynyn ótkizip, Eýropanyń 13 komandasymen sheberlik baıqasty.
Aıta ketsek, el birinshiligi 1 naýryzda jalaýyn kóteredi.
