«Qaısar» «Astanaǵa» ese jiberdi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 7-týrynda «Astana» «Qaısardan» basym tústi, dep habarlaıdy QazAqparat tilshisi.

Atalǵan týrdy Qyzylordada jergilikti «Qaısar» men elordalyq «Astana» qorytyndylady.

Kezdesý barysynda elordalyq komandadan Jarko Tomashevıch 53-mınýtta gol soqty. Oǵan 78-mınýtta alań ıeleri sapynan Joao Olıveıra bir golmen jaýap qaıyrdy.

Kezdesýdiń 82-mınýtynda elordalyq komandadan Abat Aıymbetov jeńis golyn soqty.

Osylaısha «Astana» qarsylasynan 2:1 esebimen basym tústi.

Eske salsaq, 22 sáýirde «Maqtaral» óz alańynda «Jetisýdan» jeńilip qalsa , «Qyzyljar» men «Kaspıı» 1:1 esebimen teń oınady.

Al 23 sáýirde «Oqjetpes» pen «Shahter», «Tobyl» men «Aqtóbe», «Qaırat» pen «Ordabasy» teń nátıjege qanaǵat bildirse, «Atyraý» óz alańynda «Aqsýdy» 2:1 esebimen jeńdi.

Al segizinshi týr oıyndary 6 jáne 7 mamyr kúnderine belgilengen.