«Qaırattyń» jas aıaqdopshylary Túrkııadaǵy halyqaralyq týrnırdi sátti ótkizýde
ALMATY. 29 naýryz. QazAqparat - Túrkııanyń Antalııa qalasynda ótip jatqan «Túrik demalystary» halyqaralyq týrnırin «Qaırat» fýtbol klýbynyń 1998 jylǵy jasóspirimderi sátti ótkizýde.
Olar Bolgarııanyń Plovdıv qalasynyń «Botev» komandasyn 1:0, Grýzııanyń Tbılısı qalasynyń «Lokomotıv» komandasyn 4:2 esebimen utyp, Reseıdiń Máskeý oblysynyń «Master-Satýrn» komandasynan 1:2 esebimen jeńilis tapty. Otandyq komanda 6 upaımen týrnır kestesinde 3-shi orynda keledi. Búgin olar 7 upaımen kósh bastap kele jatqan alań ıeleriniń «Alanıaspor» komandasymen kezdesedi. Erteń aqtyq oıynyn qorjynynda birde-bir upaıy joq Reseıdiń Nahodka qalasynyń «Okean» komandasymen ótkizedi.
Al týrnır kestesinde 7 upaımen 2-shi orynda kele jatqan «Master-Satýrn» búgin «Botevpen», erteń «Lokomotıvpen» kezdesedi. Olar buǵan deıin 2 oıynda basym túsip, jarys qojaıyndarymen 1:1 esebimen teń túsken bolatyn.
