«Qaırattyń» jankúıerleri T.Bekmámbetovtiń «Eń jaqsy kún» fılmine tústi
ALMATY. QazAqparat - Almatynyń Ortalyq stadıonynda Tımýr Bekmámbetovtiń «Eń jaqsy kún» fılminiń túsirilimi ótti.
«Qaırat» - «Ordabasy» fýtbol matchynyń úzilisinde jankúıerler Grıgorıı Lepstiń «Eń jaqsy kún» ánin oryndady. Túsirilim kadrlary bıylǵy jyly jeltoqsannyń sońynda ekranǵa shyǵatyn fılmniń fınaldyq tıtrine iligedi.
Jankúıerler ándi úsh ret oryndady. Ánniń mátini stadıondaǵy tabloda fılmdegi basty rólderdiń birin somdaıtyn Dmıtrıı Nagıevtiń beınesimen kórsetildi.
2013 jylǵy tamyzda Almatyda Tımýr Bekmámbetovtiń «Elkı-3» fılmine buqaralyq fleshmob túsrilgenin atap ótken jón.
Eske salaı keteıik, búgingi «Qaırat» pen «Ordabasy» arasyndaǵy match 2:0 esebimen alań qojaıynyyń paıdasyna aıaqtaldy. Onyń qorytyndysymen almatylyq komanda fýtboldan Qazaqstan chempıonatynyń kúmis medaline qol jetkizdi.
