Qaırattyń ÝEFA Konferentsııa lıgasyndaǵy matchy qaıda ótetini belgili boldy

NUR-SULTAN. QazAqparat - Konferentsııa lıgasynyń ekinshi irikteý kezeńi aıasyndaǵy Almatynyń «Qaıraty» men vengrııalyq «Kıshvarda» arasyndaǵy qarymta match qaıda ótetini belgili boldy, dep habarlaıdy QazAqparat Sports.kz saıtyna silteme jasap.

«Kıshvarda» resmı saıtynyń habarlaýynsha, klýb ÝEFA-dan ekinshi irikteý kezeńiniń qarymta oıyny Kıshvardadaǵy «Varkert» stadıonynda ótedi degen resmı habarlama alǵan.

ÝEFA delegaty maýsym aıynyń basynda Varkert stadıonyndaǵy alańdy tekserip, birneshe kemshilikti jóndeý qajet degen uıǵarym shyǵarǵan bolatyn. Osy kemshilikter joıylyp, endi stadıon eýrokýbok oıynyn qabyldaýǵa múmkindik alyp otyr.

Eske sala keteıik, komandalardyń alǵashqy oıyny 21 shildede Almatynyń ortalyq stadıonynda ótedi.

Foto: sports.kz