«Qaırattyń» qorǵaýshysy Eýropa Lıgasynda oınaı almaıtyn boldy
ASTANA. QazAqparat - «Qaırat» komandasynyń qorǵaýshysy jáne Qazaqstan quramasynyń oıynshysy Eldos Ahmetovke Germanııadaǵy klınıkalardyń birinde ota jasalady, dep habarlaıdy «SPORTINFORM» SAA.
27 jastaǵy oıynshy búgin Germanııaǵa ushyp ketti. Onyń tizesine ota jasalady. Ahmetov mamyr aıynyń basynda jattyǵýlardyń birinde tegirshigin zaqymdap alǵan edi. Keıin oǵan ota jasaý kerektigi belgili boldy. Osyǵan baılanysty ol Eýropa Lıgasynyń matchyna qatysa almaýy múmkin. Onyń saýyǵýyna kem degende 2-3 aı ýaqyt qajet.
Eske salaıyq, budan buryn almatylyq komandanyń negizgi forvardy Chýma Anene alǵan jaraqatyna baılanysty oıynnan shyǵyp qalǵan edi.
