«Qaırattyń» eki fýtbolshysy - álemniń úzdik oıynshysy nomınatsııasyna úmitker
ASTANA. QazAqparat - «Qaırat» AFK oıynshylary Dýglas Jýnıor men Hosseın Taıebı «Umbro futsal awards» tujyrymy boıynsha álemniń úzdik oıynshysy ataǵyna úmitkerlerdiń ondyǵyna kirgen, dep habarlaıdy QazAqparat «SPORTINFORM» SAA-ǵa silteme jasap.
Aıta keteıik, 2018 jyly Dýglas pen Taıebı «Qaırattyń» quramynda Qazaqstan chempıony boldy, sondaı-aq klýbtyń tórtinshi ret Eremenko kýbogyn ıelenýine atsalysty.
Dýglas Qazaqstan quramasynda oınap júrip, Eýropa chempıonatynyń jartylaı fınalyna jetti. Taıebı Iran quramasynyń Azııa kezekti chempıonatynda jeńiske jetýine kómektesip, birinshiliktiń úzdik bombardıri atandy.
Eske salaıyq, sońǵy tórt jylda «Jyldyń úzdik oıynshysy» nomınatsııasyn portýgaldyq Rıkardınıý ıelenip kelgen edi. Aıta ketken jón, «Qaırat» AFK taǵy eki ókili «Umbro futsal awards» «Álemniń úzdik qaqpashysy» (Igıta) jáne «Álemniń úzdik klýbtyq jattyqtyrýshysy» (Paýlo Rıkardo Kaka) nomınatsııasyna úmitkerlik etýde.
