«Qaırattyń» burynǵy shabýylshysy Jerar Goý Almatyǵa qaıta oralmaq
ASTANA. QazAqparat - «Qaırat» komandasynyń burynǵy shabýylshysy Jerar Goý Almatyǵa qaıta oralady, dep habarlaıdy Sports.kz.
Bul týraly ıvýarlyq fýtbolshy óziniń Instagram paraqshasyna jazdy. Degenmen ol saparynyń maqsaty týraly ashyp aıtpaǵan.
«Men jaqyn arada Almatyǵa kelemin. Inshalla, kelesi aptada. Meniń ekinshi júregim, súıemin bul eldi»,-dep jazady Jerar.
Óz kommentarıılerinde jankúıerler Goýdyń «Qaıratqa» qaıta oralýǵa shaqyrýda. Ol almatylyq klýb sapynda 2014jyldan 2017 jylǵa deıin oınaǵan. Úsh ret Qazaqstan Premer-Rıgasynda úzdik bombardır atandy. Sodan keıin 29 jastaǵy forvard qytaılyq «Beıtszın Enterpraızes» (D2) komandasyna aýysty. Birinshi lıgadaǵy maýsym aıaqtaldy. Goýdyń komandasy besinshi oryndy enshiledi. Jerardyń ózi 11 matchta 10 dop soqty jáne 2 nátıjeli pas berdi.
