«Qaırattyń» burynǵy qaqpashysy «Tobylǵa» keldi
QOSTANAI. QazAqparat - «Tobyl» fýtbol klýby bapkerler quramyna belgili qaqpashy Evgenıı Naboıchenko qosyldy, dep habarlaıdy QazAqparat.
Búgin «Qaırattyń» burynǵy qaqpashysy Evgenıı Naboıchenko
qostanaılyqtardyń bapkerler qosynyn tolyqtyrdy.
Evgenıı Naboıchenko - túrikmendik fýtbolshy, Túrikmenstan Ulttyq fýtbol quramasynyń eks-qaqpashysy. Ashhabadtyń «Kopetdag» klýbymen birge Qazaqstannyń birneshe klýbtarynda oınap, keıin Qazaqstanǵa birjola ornyǵyp qaldy, qazir Qazaqstan azamattyǵyn alǵan. Túrikmenstan quramasynda 1997-2004 jyldar aralyǵynda oınady.
Fýtbolshylyq karerasyn aıaqtaǵan soń Qazaqstannyń birneshe klýbtarynda qaqpashylar bapkeri bop qyzmet atqardy.
Jetistikteri:
Túrikmenstan chempıony: 1992, 1993, 1994, 1995, 1997
Túrikmenstan vıtse-chempıony: 1996, 1998
Túrikmenstan kýbogy: 1993, 1994, 1996, 1999
«Qaırat»
Qazaqstan chempıony: 2004
Qazaqstan kýbogy: 1999/2000, 2001, 2003
Aıta keteıik, jaqynda «Tobyl» komandasyna polıak mamany Marek Zýb bas bapker retinde taǵaıyndaldy.
