«Kaırattyń» bas bapkeri otstavkaǵa ketýi múmkin
ASTANA. QazAqparat - Rastalmaǵan málimetterge sáıkes, almatylyq «Qaırattyń» bas bapkeri Karlos Alos Ferrer ornyn bosatýy múmkin, dep habarlaıdy Sports.kz.
KazFootball.kz tilshisiniń jazýynsha, ıspanııalyq koých ÝEFA Eýropa Lıgasynyń úshinshi biliktilik kezeńinde chehııalyq «Sıgmadan» 1:4 (0:2 qonaqta jáne 1:2 óz alańynda) jeńilis tapqannan keıin almatylyq klýbtyń bas bapkeri laýazymynan ketýi múmkin.
Aǵymdaǵy maýsymnyń basynda komanda basshylyǵy eýrokýboktar men chempıondyqtyń toptyq kezeńine ótý mindetin qoıǵan edi. «Sıgmadan» jeńilip qalǵannan keıin qazaqstandyqtardyń eýrokýboktardyń toptyq kezeńine shyǵýdan úmiti úzildi. Dál qazir «Qaırat» komandasy «Astanadan» 3 upaıǵa tómen túsip, týrnırlik kesteniń ekinshi ornyna ornalasty. Karlos Ferrer dál búgin ornyn bosatýy múmkin.
Karlos Alos Ferrer ótken jyldyń shilde aıynda «Qaırattyń» tizginin ustaǵan bolatyn. Ispandyq bapker almatylyq komandamen Qazaqstan chempıonatynyń kúmis júldegeri atanyp, 2017 jylǵy Qazaqstan Kýbogyn ıelengen edi.
