«Qaırattyń» bas bapkeri ádepsiz áreketi úshin jarystan shettetildi
ASTANA. QazAqparat - Baqylaý-tártiptik komıteti «Qaırat» fýtbol klýbynyń bas bapkeri Kahaber Tshadadzeni eki matchqa 300 myń teńge kóleminde aıyppul tóleı otyryp, jarystan shettetý týraly sheshim qabyldady, dep habarlady Sports.kz.
QFF Baqylaý-tártiptik komıteti bul faktini QFF Tártiptik reglamentiniń 48-baby 2-tarmaǵy negizinde qarady. Onda: «BTK BAQ jáne jalpyǵa qoljetimdi derekkózderden alynǵan, onyń ishinde beınematerıaldar jáne ózge de obektıvti materıaldar negizinde anyqtalǵan ózge de aqparattarǵa súıenip, isti qaraýǵa quqyly» delingen.
Matchtyń vıdeosyn kórý barysynda BTK Kahaber Tshadadze tarapynan kóreremenderge aıtylǵan ádepsiz, dóreki sózder match ýaqytynda jáne ol aıaqtalǵannan keıin tártipsizdiktiń oryn alýyna alyp keldi degen tujyrymǵa keldi.
122-bapqa sáıkes «Qaırat» komandasynyń bapkeri Kahaber Tshadadze kórermendenderdi arandatqany úshin eki matchqa jarystan shettetilsin jáne oǵan 300 000 (úsh júz myń) teńge kóleminde aıyppul» túrinde sanktsııa qoldanylsyn. Kahaber Tshadadzeni jarystan shettetý merzimi 2017 jylǵy 10 shilde bolyp aıqyndalsyn», - delingen qabyldanǵan sheshimde.
