«Qaırattyń» aqtyq syndaǵy qarsylastary belgili boldy
ASTANA. QazAqparat - Almatylyq «Qaırattyń» Chempıondar lıgasynda «Tórttik fınaldaǵy» qarsylastary belgili boldy, dep habarlaıdy QazAqparat Sports.kz-ke silteme jasap.
Aqtyq synda komanda portýgalııalyq «Sportıngpen», ıspandyq «Barselona» jáne «Inter Movıstarmen» oınaıdy. «Inter Movıstar» - tanymal eýrokýboktyń qazirgi jeńimpazy.
Eske salaıyq, budan buryn «Qaırat» Elıtalyq raýndtyń úsh matchynda (ıtalııalyq «Peskarany» 4:1 esebimen, belarýstyq «Lıdselmashty» 7:2 jáne chehııalyq «Era-Pak» komandasyn 4:2 esebimen) 3 ret jeńiske jetip, 9 upaı jınady jáne «Tórttik fınalǵa» shyqty.
Aqtyq týrnır 2019 jyldyń sáýirinde ótedi. Onyń qaıda bolatyny keıinirek habarlanady.
