Qaırattyqtar men jýrnalıster arasynda shaǵyn fýtboldan joldastyq kezdesý ótti

Atalǵan shara Almatyda alǵash ret ótetin ÝEFA kýboginiń fınalyna oraılastyrylǵan. Aldyda ótetin shırek fınalǵa daıyndyq barysynda «Qaırat» ShFK álemniń túrli elderinde kásibı komandalarmen birneshe joldastyq kezdesýler ótkizgen.

«Negizinen BAQ ókilderi arasynda shaǵyn fýtboldan jarystar ótkizilip turady, sonyń bıik shyńy Sıdahmet Berdiqulov atyndaǵy saıys. Osy saıystyń kýbogin birneshe ret utyp ta aldyq. Sport taqyrybyn arqalap júrgen jýrnalıster úshin bul saıys úlken synaq. Sonymen qatar jarystyń mán-maǵynasy jaıynda tolyqtaı maǵlumat alýǵa kómektesedi. Osyndaı jarystardyń ishinde júrip túrli jaǵdaılar bolatynyn nemes bir sátsizdikterdiń oryn alatynyn baıqap, túsinesiń», -deıdi «Habar» arnasynyń jýrnalısti Amangeldi Seıithan.

Qaırattyqtardyń basymdylyǵymen bastalǵan oıyn óte tartysty ótti. Degenimen ekinshi kezeńde jýrnalıster upaı sanyn arttyryp oıyndy 6:6 aıaqtady, biraqta penaltı barysynda Qaırattyqtar 2:1 upaıymen jeńiske jetti.

"Tamasha oıyn boldy - óte áserli jáne kórnekti. Shyn máninde áýesqoı komandadan mundaı qaısarlyqty kútpegen edik, olar oıyndy óte joǵary deńgeıde ótkizdi. Oıyn ádistemesi, keıbir taktıkalyq júristerinen olardyń fýtboldan, fýtzaldan habary bar ekeni kórinip tur", -deıdi «Qaırat» ShFK-nyń prezıdenti Qaırat Orazbekov.